Delhi
Adaniaḱ muṭ so̱mpo̱tti 11.6 karo̱ṛ ṭaka
2024 Hurun Inḍia kĩsạṛ talika reaḱ dạbi
Hindenburg Research reaḱ report karo̱n te ho̱e akan loksan arjao ruạṛ tuluć, Gautam Adaniaḱ mul so̱mpo̱tti dinkalo̱m 95% baṛhao kate 11.6 lakh karo̱ṛ ṭaka hoyena, jãhãte uni do̱ Mukesh ambaniaḱ jaega re jo̱to̱ khon kĩsạṛ bharatia benaoḱ go̱ṛo̱e ńam ket́a. 2024 Hurun Inḍia reaḱ kĩsạṛ talika leka te,Reliance Industries ren chairman ar Managing director Ambaniaḱ muṭ so̱mpo̱tti 25% baṛhao kate 10.14 lakh karo̱ṛ ṭaka hoyena.
2023 reaḱ report re adaniaḱ so̱mpo̱tti do̱ 57% komao kate 4.74 lakh karo̱ṛ ṭaka tahẽ̱lena ar Ambani do̱ 8.08 lak karo̱ṛ ṭaka reaḱ so̱mpo̱ttiante ạḍi lahae tahẽ̱kana.
America re menaḱ Short seller Hindenburg Research ho̱tete lagao len do̱sko lade taeom Adaniaḱ mul so̱mpo̱tti re ạḍi usạra koamaoḱ eho̱ṕ lena menkhan adani group do̱ sanam do̱se chibaṅ leda. 2014 reaḱ uchạn re hurun do̱ adaniaḱ so̱mpo̱tti 44,000 karo̱ṛ ṭaka ko uduḱ so̱do̱r leda, ona re un jo̱kheć uni do̱, 10 jo̱to̱ khon kĩsạṛ bharatiạ mente uduḱ so̱do̱r ledea.
HCL ren Shiv Nadar ar uniaḱgharõ̱ṅj 2024 re 3.14 lakh karo̱ṛ ṭaka reaḱ mul so̱mpo̱ttiante miṭ ṭhạ̃e reaḱ labhante tesar jo̱to̱ khon kĩsạ̃ṛ ho̱ṛe benao ena, nhate Serum institute of india ren Cyrus S. Poonawalla do̱ 2.89 lakh karo̱ṛ ṭaka reaḱ mul so̱mpo̱ttiante mit́ thar latar re ḍhaṅ tahẽyena.
Sun Pharmaceutical Industries ren Dilip Shanghvi do̱ 2.50 karo̱ṛ ṭaka reaḱ mul so̱mpo̱ttiante dinkalo̱m turuiaḱ ṭhạ̃e bo̱do̱l te mõ̱ṛẽ̱anić jo̱to̱ khon kisạ̃ṛ hõṛ reaḱ tag e hameṭ kate talika re aćaḱ ńutum tõ̱ṅge ge do̱ho̱ akat́a. Maejiu ko mudre Zoho re Radhan Vembu do̱ 47,500 karo̱ṛ ṭaka reaḱ so̱mpo̱ttiante jo̱to̱ khon kisạ̃ṛe tahẽ̱kana, nhate Zepto re são-babandhaoić Kevaliya Vohra ar Aditya palicha, okoe do̱ 23 serma ren kane, 3,600 karo̱ṛ ṭaka ar 4,300 karo̱ṛ ṭaka reaḱ so̱mpo̱ttiante talika re jo̱to̱ khon kom umạraniće tahẽ̱kana.Talika redo̱ 1,000 karo̱ṛ ṭaka khon bạṛti so̱mpo̱ttian bharatiạ selet́ akaṭ koa. 2024 re noa lekha re 1,539 jona ko hoyena, noko udre 220 jona do̱ nãwã ko selet́ akana. Serma re sãj do̱ho̱ so̱mpo̱tti 46% bạṛti ńel akana. Actor Shahrukh Khan do̱ 7,300 karo̱ṛ ṭaka reaḱ onman so̱mpo̱ttiante talika re jaegae hameṭ kate ehoṕ keda, oka do̱ ać ren bepari gate juhi chawla khon ạḍi bạṛti g tahẽ̱kana, uniaḱ 4,600 karo̱ṛ ṭaka reaḱ mul so̱mpo̱ttiante Entertainment duniạ re dosar ṭhạ̃ie hameṭ keda.Baḍae to̱ra katha do̱ noa kana je 16 jona pesewar ko hõ talika re jaega ko benao keda, Arista Network ren Chief executive Jayshree Ullal do̱ 32,100 karo̱ṛ ṭakaoante jo̱to̱ khone kisạ̃ṛ gea ar D-Mart re chief executive Neville Noronha do̱ 6,900 karo̱ṛ ṭakaonte dosa ṭhạe re taheyena. Talika leka te lạe akan baṅma Gera Developments ren Kumar Pratimdas Gera aḱ so̱mpo̱tti 2024 reaḱ suci re jo̱to̱ khon usạra 566% bạṛhao akana, judihõ ambani ar adani aḱ so̱mpo̱tti hisạb te jo̱to̱ khon bạṛti baṛhao hoe akana.
